| Главная » Файлы » Яз |
Язгы әкият
| 25.11.2013, 18:07 | |
Түбәләрдән тып-тып тамчы тама,
Мин шатланып учны куям аңа.
Мин учымда яз җылысын тоям -
Мин бит шулай яз җылысын җыям.
Тал башында бер сыерчык сайрый,
"Шыгырт-шыгыпт" итеп тешен кайрый.
Мин ул талга колагымны куям -
Мин бит шулай яз тавышын җыям.
Гөрләвектә кояш нуры уйный,
Елтыр-елтыр килә, бер дә туймый.
Гөрләвектән күзне алмый торам -
Мин бит шулай яз төсләрен җыям.
Кышкы салкын, шыксыз көннәр киткәч,
Иптәшләрем кыштан туеп беткәч,
"Күңелсезләнмәгез!" - диярмен мин
Һәм язгы саф әкият сөйләрмен мин.
| |
| Просмотров: 709 | Загрузок: 0 | | |
| Всего комментариев: 0 | |