MENU
ҖИР-АНАНЫ БЕРГӘЛӘП САКЛЫЙК!

Гөл калырмы, көл калырмы җирдә?
Кайсы төскә күмелер бу тараф? /Н.Акмал/
 
                                    Чиста һава - җанга дәва, беләбез,
                                    Сихәт эзләп урманнарга керәбез.
                                    Сафланырга шәһәр сарган сөремнән
                                    Елга-күлләр хозурына киләбез.
                                    Җир-ананың юмарт нигъмәт-сыеннан
                                    Сыйланмыйча торалмыйбыз бер көн дә.
                                    Табигатьне телсез диеп, күзсез дип,
                                    Җансыз диеп әйтә алмас беркем дә.
                                    Кошлар тынса, урман корса, күл кипсә,
                                    Җирдә яшәү булалмасын төшенәм.
                                    Йә, кем белә: ничек итеп якларга
                                    Зур Җир шарын бәп-бәләкәй Кешедән?
                                    Күк, Җир һәм Су... Без - Галәмдә бер бөртек, -
                                    Өзелмәсен бу мәңгелек бергәлек.
                                    Ишетик без Җирнең йөрәк авазын,
                                    Саклыйк, әйдә, җир-ананы бергәләп.
                                                                                Сания Әхмәтҗанова

 
 
      Дөньяда тау кадәр алтын белән дә бәяләп бетерә алмаслык нәрсәләр була. Ил дә матди байлыкка карап кына куәтле була алмый, аның куәте халыкның рухына, күңленә бәйле. Халыкның рухы нихәтле хөр һәм күтәренке булса, дәүләт тә шулхәтле көчлерәк һәм шанлырак була. Ә халыкны сәламәт рухлы итеп, киң күңелле итеп менә шушы гүзәл табигатьтән гайре нәрсә тәрбияли ала? Кеше ничек кадерле булса, табигать тә шулай кадерле булырга тиеш. Аны мәсхәрә итсәк, киләчәк буын безне беркайчан да кичермәс, чөнки киләчәк буынның да табигатьтән файдаланырга хакы бар. /К.Паустовский/

 
 

 

Сделать бесплатный сайт с uCoz