САРЫ МИЗГЕЛ****************************************************************
Бөтен дөнья сары төсле:
Арыш, бодай бөртекләре,
Үләннәр сары төстә.
Сары белән йөгертелми
Калмагандыр бер төш тә.
Саргайган яфраклар җиргә
Сарылалар сак кына.
Сары була белә шулай
Безнең туган як кына. /Р.Миңнуллин/
КӨЗ СЫНАМЫШЛАРЫ
Сентябрь
1 сентябрьдә (иске стиль белән) күк күкрәсә, киләсе ел ашлык уңар, ләкин көз соң килер.
1 сентябрьдә җылы булса, бөтен көз җылы булыр.
Сентябрьдә аяз булса, кыш салкын булыр.
Әгәр кыр казлары көз көне киткәндә биектән очып китсәләр, кыш салкын булыр, ләкин киләсе елга ашлык яхшы булыр.
Кыр казлары көз көне киткәндә түбәннән очып китсәләр, кар тиз булыр.
Әрлән өненә печән-салам күп ташыса, кыш салкын булыр.
Сентябрьдә кар күренсә, көз озак килер.
Имән чикләвеге күп булган елны кыш салкын килә.
28 ендә каз очса, покрауда (искечә октябрь башында) кар ята.
Октябрь
1нче октябрдә кар күренсә, кырык көннән кар ятар.
Әгәр көзен кар озак ятмаса, ашлык начар булыр.
Яфрак җиргә капланып төшсә, иген булырга галәмәт.
Агач яфрак соң койса, ел авыр килә.
Әгәр беренче кар вак булса, кар тиз китмәс, җәй яңгырлы булыр, ашлык-печән яхшы уңар.
Ноябрь
1 ноябрь яңгыр өстенә кар булса, печән бик уңар.
Тугызында бәс булса - суыкка, томан булса - җылыга.
11ендә йомшата, азрак-азрак боз вата.
Әгәр боз өстенә боз катса, ашлыкка галәмәт, җәй яңгырлы булыр, борай белән арпа бик уңар.
Боз кытыршы булып туңса, иген уңар.