***************************************************************
КЫШ
****************************************************************
Яратам мин ап-ак төсне.
Бөтен дөнья ап-ак төсле:
Куяннар да ак тун кигән,
Каеннар да ак туннан.
Бүреккә дә, керфеккә дә,
Борынга да ак кунган.
Биек булып, ап-ак булып,
Урамга ак кар яуган.
КЫШ СЫНАМЫШЛАРЫ
Декабрь
Мичтә утын шыртлап янса, көннәр җылытырга булыр.
25ендә агачларны бәс тотса, алдагы җәй иген уңар.
Кар стенага сылап яуса, җәй начар килә.
Йолдызлар куе күренсә, салкын булыр, сирәк күренсә - җылы булыр.
Кайсы якта йолдызларның нуры озынрак күренсә, җил шул яктан булыр.
Гыйнвар
Алтысында тулы ай -язгы ташу суга бай.
Алтысында көн җылы - кырда икмәк бик куе.
Унысында бәс тотса, җәй яжгырлы килер.
Егерме дүртендә булса аяз - бик нәфис килер яз.
Әгәр кар вак кына бөртекле, сирәк кенә төшкәләсә, бик озак суык булыр.
Февраль
Әүвәл киче аяз - бик соң килер яз.
Йолдызлар сирәк күренсә, җылы һәм буран булыр.
Ай тирәсендә алка кебек булса - җил булыр.
Йолдызлар бик чекрәеп ялтырап торса - көннәр суык булыр.
Юлда кар калын, кырда юка булса, иген уңар.
Сынамышлар К.Насыйри һәм Н.Исәнбәт хезмәтләреннән алынды.
Зәңгәр мизгелгә Яшел мизгелгә Сары мизгелгә